ଭଞ୍ଜନଗର(ନିଲୁ ବିଶୋଇ) ଭଞ୍ଜନଗର ବ୍ଲକ ଅନ୍ତର୍ଗତ ଗାମୁଣ୍ଡି ଗ୍ରାମରେ ଆଜି ଏକ ଅଭାବନୀୟ ଘଟଣା ଘଟିଯାଇଛି |ସେହି ଗ୍ରାମର ତ୍ରିନାଥ ପଲାଇଙ୍କ ପୁଅ ଉମାଚରଣ ପଲାଇ (୪୫) ଙ୍କ ଆଜି ମୃତ୍ୟୁ ଘଟିଛି | ଉମା ପୂର୍ବରୁ ମୁମ୍ବାଇ ରେ ରହୁଥିଲେ ସେ କିଛି ଦିନ ପୂର୍ବେ ମୁମ୍ବାଇରୁ ଆସି ଗୁରାବାଡ଼ି ଗ୍ରାମର ସଙ୍ଗରୋଧ କେନ୍ଦ୍ରରେ ରହିଥିଲେ | ସଙ୍ଗ ରୋଧ କେନ୍ଦ୍ରରେ ରହିବା ପରେ ୨୦ ଦିନ ପୂର୍ବରୁ ଘରକୁ ଫେରିଥିଲେ |ଉମା ଆଜି ସକାଳ ୮.୩୦ ସମୟରେ ଘରେ ଗାଧୋଇବାକୁ ଯାଇଥିଲେ ଓ ଗାଧୋଇସାରିଲା ପରେ ହଠାତ ତାଙ୍କ ଛାତିରେ ଯନ୍ତ୍ରଣା ହେବାରୁ ଘରେ ସୋଇପଡ଼ିଥିଲେ | କିନ୍ତୁ ଛାତିରେ ଅଧିକ ଯନ୍ତ୍ରଣା ଅନୁଭବ କରିବାରୁ ତାଙ୍କ ଘର ଲୋକ ତାଙ୍କୁ ଭଞ୍ଜନଗର ଡାକ୍ତରଖାନାକୁ ଆଣିଥିଲେ | କିନ୍ତୁ ତାଙ୍କୁ ଡାକ୍ତର ସେଠାରେ ମୃତ ଘୋଷଣା କରିଛନ୍ତି |ପୋଲିସ ଶବକୁ ଜବତ କରିବା ସହ ବ୍ୟବଛେଦ ପାଇଁ ପଠାଇଦେଇଛି |ଏକ ଅପମୃତ ମାମଲା ରୁଜୁ କରି ପୋଲିସ ଏହାର ତଦନ୍ତ ଚଳାଇଥିବା ଥାନାଧିକାରୀ ସୁଦୀପ୍ତ କୁମାର ସାହୁ ସୂଚନା ଦେଇଛନ୍ତି |
