ଭଞ୍ଜନଗର(ନ୍ୟୁଜଏକ୍ସଟ୍ରା/ନିଲୁ ବିଶୋଇ): କରୋନା ଭୂତାଣୁ କୁ ନେଇ ଚାରିଆଡ଼େ ଚର୍ଚ୍ଚା ଜୋର ଧରିଥିବା ବେଳେ ଲକ ଡାଉନ ସମୟରେ ଜନସାଧାରଣ ଙ୍କୁ ସଚେତନ ହୋଇ କେବଳ ନିଜ ଘରେ ରହିବାକୁ ଭଞ୍ଜନଗର ପୋଲିସ ପ୍ରଶାସନ ଓ ବିଭିନ୍ନ ସଂସ୍ଥା ତରଫରୁ ପରାମର୍ଶ ସହ ସଚେତନତା କରାଯାଉଛି।ଅତ୍ୟାବଶ୍ୟକ ସ୍ଥଳେ ହିଁ ଘରୁ ବାହାରକୁ ବାହାରି ବାକୁ କୁହାଯାଉଥିବା ବେଳେ ବହୁ ଲୋକ ଏହି ନିୟମ କୁ ନମାନି ମନଇଚ୍ଛା ଏଣେ ତେଣେ ବୁଲୁଥିବା ଦେଖିବାକୁ ମିଳୁଛି।ପ୍ରଶାସନ ଓ ପୋଲିସ ତରଫରୁ ବାରମ୍ବାର ଲୋକଙ୍କୁ ସଚେତନ କରାଯାଉଥିଲେ ମଧ୍ୟ ସେମାନେ ସୁଧୁରିବାର ନାଁ ଧରୁନାହାନ୍ତି।ଅପର ପକ୍ଷରେ ପୋଲିସ ପକ୍ଷରୁ ପେଟ୍ରୋଲିଂ କୁ କଡାକଡି କରାଯାଇ ଲୋକ ମାନଙ୍କୁ ସଚେତନ ମଧ୍ୟ କରାଯାଉଛି। ବିଶେଷ କରି ବାହାର ରାଜ୍ୟରୁ ବହୁ ଲୋକ ନିଜ ଗ୍ରାମକୁ ଫେରୁଥିଲେ ମଧ୍ୟ ସେମାନେ ମେଡିକାଲ ରେ ନିଜ ସ୍ବାସ୍ଥ୍ୟ ପରୀକ୍ଷା କରୁ ନ ଥିବାରୁ ଗ୍ରାମବାସୀ ମାନେ ଆତଙ୍କିତ ଅବସ୍ଥାରେ ରହୁଛନ୍ତି। ତେବେ ଭଞ୍ଜନଗର ଅଞ୍ଚଳର ବିଭିନ୍ନ ଗ୍ରାମ ଯେପରି ବୁଦୁଲି , ମହାଗୁଡା, ସାନକୋଦଣ୍ଡା, ଜିଲୁଣ୍ଡି,ଅଗଝୋଳ,ବିଂଝଗିରି ଆଦି ବିଭିନ୍ନ ଗ୍ରାମ ମାନଙ୍କରେ ପ୍ରବେଶ ପଥକୁ ଗ୍ରାମବାସୀ ମାନେ ସମ୍ପୂର୍ଣ୍ଣ ବନ୍ଦ କରିଛନ୍ତି।ଫଳରେ କେବଳ ନିଜ ଗ୍ରାମର ଲୋକଙ୍କ ବ୍ୟତୀତ ଅନ୍ୟ କୌଣସି ଲୋକଙ୍କୁ ଗ୍ରାମରେ ପଶିବାକୁ କଟକଣା ଲଗାଇଛନ୍ତି। ଏବଂ ଗ୍ରାମର ସମସ୍ତ ଲୋକ ମାନକୁ ସଚେତନ ହେବା ସହ ଗ୍ରାମରେ ସବୁ ଦିନେ ହାତକୁ ସାବୁନରେ ଧୋଇବା ପାଇଁ ମଧ୍ୟ ଗ୍ରାମବାସୀ ମାନେ ବ୍ୟବସ୍ଥା କରିଛନ୍ତି । ଲକଡାଉନ ନ ଖୋଲିବା ପର୍ଯ୍ୟନ୍ତ ଏହି ନିୟମ ଲାଗୁ ରହିବ ବୋଲି ଗ୍ରାମବାସୀ ମାନେ ଜଣାଇଛନ୍ତି।
