ବେଗୁନିଆପଡା(ନ୍ୟୁଜଏକ୍ସଟ୍ରା/ଭଞ୍ଜ କିଶୋର ମହାରଣା) : ଆଜି ପୂର୍ବାହ୍ନ ସମୟରେ ଗଞ୍ଜାମ ଜିଲ୍ଲା ବେଗୁନିଆପଡା ଫାଣ୍ଡି ଅନ୍ତର୍ଗତ ଏସ. ଛଚିନା ପଞ୍ଚାୟତର ଉଜ୍ଜଳପଲ୍ଲୀ ଠାରେ ଦେଶୀ ମଦ ବିକୁଥିବା ଅଭିଯୋଗରେ ଦୁଇଜଣଙ୍କୁ ଗିରଫ କରିବା ସହ ସେମାନଙ୍କ ଠାରୁ ଦୁଇ ବସ୍ତା ଦେଶୀ ମଦ ପୁଡିଆ ଜବତ କରିଛି ବେଗୁନିଆପଡା ପୁଲିସ l ଗିରଫ ଦ୍ବୟ ହେଲେ ଉଜ୍ଜଳପଲ୍ଲୀ ଗ୍ରାମର ଟୁକୁନା ପୁଷ୍ଟି ଓ ଅଭି ନାହାକ l ଆଜି ପୂର୍ବାହ୍ନରେ ସେମାନେ ମଦ ବିକୁଥିବା କୌଣସି ସୂତ୍ରରୁ ଖବର ପାଇ ବେଗୁନିଆପଡା ପୁଲିସ ଚଢ଼ାଉ କରିଥିଲା l ବର୍ତମାନ କରୋନା ସଂକ୍ରମଣ ପାଇଁ ଚାରିଆଡେ ଲକ ଡାଉନ ଚାଲିଥିବା ବେଳେ ଗ୍ରାମାଂଚଳରେ ଏହାକୁ ଗୁରୁତର ସହ ନେଉନାହାନ୍ତି l ତେଣୁ ଏଭଳି କାର୍ଯ୍ୟକଳାପକୁ ଆଦୌ ବରଦାସ୍ତ କରାଯିବନି ବୋଲି ଫାଣ୍ଡି ଅଧିକାରୀ ଦୀପ୍ତି ରଞ୍ଜନ ବେହେରା ପ୍ରକାଶ କରିଛନ୍ତି l