ବ୍ରହ୍ମପୁର :କଳା ଓ କଳାକାର ହିତୈଷୀ ମହାମଞ୍ଚ “ଗଞ୍ଜାମ ଜିଲ୍ଲା ବରିଷ୍ଠ କଳାକାର ମହାସଂଘ” ପକ୍ଷରୁ ଜୁଲାଇ ତିନି ତାରିଖ ଦିନ ସଂଘ ପ୍ରତିଷ୍ଠା ଦିବସ ପାଳନ ଅବସରରେ କଳାକାର ଶୋଭାଯାତ୍ରା ଓ ରାଜ୍ୟସ୍ତରୀୟ ଦଣ୍ଡନାଚ ସମାବେଶ ଆୟୋଜନ ନିମନ୍ତେ ସ୍ଥାନୀୟ ଗଞ୍ଜାମ କଳା ପରିଷଦ ପାଠାଗାର ପରିସରରେ ଏକ ପ୍ରସ୍ତୁତି ବୈଠକ ସଂଘ କାର୍ଯ୍ୟକାରୀ ସଭାପତି ଦୁର୍ଗା ପ୍ରସାଦ ଆଚାର୍ଯ୍ୟଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏଥିରେ ସର୍ବଶ୍ରୀ ଦୀନବନ୍ଧୁ ସାହୁ, ପ୍ରଫୁଲ୍ଲ ବେହେରା, ପାଣ୍ଡବ ପ୍ରଧାନ, ମାନସ ଚନ୍ଦ୍ର ବରାଡ, ବାବୁ ନାୟକ, ବାଳକୃଷ୍ଣ ସେଠୀ, ବି.ଭେଙ୍କଟ ରାବଣା, ସୁଦାମ ପଟ୍ଟନାୟକ, ମୃତ୍ୟୁଞ୍ଜୟ ତ୍ରିପାଠୀ, ସତ୍ୟ ମହାରଣା, କୈଳାସ ପାଣିଗ୍ରାହୀ, ଈଶ୍ୱର ଚନ୍ଦ୍ର ଗୌଡ, ରମେଶ ଚନ୍ଦ୍ର ଗୌଡ, କିଶୋର କପୂର୍, ବଳଦେବ ସାହୁ, ନୀଳମାଧବ ଜେନା, ପ୍ରଦୀପ କୁମାର ସାହୁ, ସୁବାସ ଚନ୍ଦ୍ର ସାହୁ ମାମା, ବନ୍ଦନା ମହାପାତ୍ର, କିରଣ ବାଳା ମିଶ୍ର, ଅନୁରାଧା ସାହୁ, ଗୀତା ସ୍ୱାଇଁ, ବନ୍ଦନା ନନ୍ଦ ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ । କଳାକାର ଶୋଭାଯାତ୍ରା ଓ ରାଜ୍ୟସ୍ତରୀୟ ଦଣ୍ଡନାଟ ସମାବେଶର ସଫଳତା ନିମନ୍ତେ ସଂଘର ବ୍ଲକ ସଂଯୋଜକ ମାନଙ୍କୁ ଦାୟିତ୍ଵ ଦିଆଯିବା ସହ କାର୍ଯ୍ୟକ୍ରମର ସୁଚାରୁ ସମ୍ପାଦନ ନିମନ୍ତେ ସବ୍ କମିଟି ଗଠନ କରାଯାଇଥିଲା ।କାର୍ଯ୍ୟକ୍ରମ ପ୍ରାରମ୍ଭରେ ସଂଘ ସମ୍ପାଦକ ସୁବାସ ଚନ୍ଦ୍ର ସାହୁ ରୋଶନ୍ ସଂଘ ପକ୍ଷରୁ ଜୁନ ଚଉଦ ତାରିଖ ଦିବା ଦଶ ଘଟିକା ସମୟେ ସ୍ଥାନୀୟ ସିଟି ହାଇସ୍କୁଲ ରୋଡ ସ୍ଥିତ ମାନସ ଭବନ ଠାରେ ରାଜ୍ୟ ଲୋକକଳା ଦିବସ ପାଳନ ସମ୍ପର୍କିତ ସୂଚନା ଦେବା ସହ ପରିଶେଷରେ ଆନୁଷ୍ଠାନିକ ଧନ୍ୟବାଦ ଅର୍ପଣ କରିଥିଲେ ।
