ଛତ୍ରପୁର: ଜିଲ୍ଲାପାଳଙ୍କ କାର୍ଯ୍ୟାଳୟ ସ୍ଥିତ ସଦ୍ଭାବନା ସମ୍ମିଳନୀ କକ୍ଷ ଠାରେ ଫଟୋ ଭୋଟର ସମ୍ପୂର୍ଣ୍ଣ ତଥ୍ୟ ସମ୍ବଳିତ ପ୍ରକାଶ ନିମନ୍ତେ ବୁଧବାର ବୈଠକ ଅନୁଷ୍ଠିତ ହୋଇଯାଇଛି । ଅତିରିକ୍ତ ଜିଲ୍ଲାପାଳ ଲୀନା କୁମାରୀ ଖେସ୍ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ସେ ଜଣାଇଥିଲେଯେ ଆଗାମୀ ତା. 01.01.2022 ରିଖ ଦିନ ନିର୍ଭୁଲ ତଥ୍ୟ ସମ୍ବଳିତ ସୁସ୍ଥ ଓ ସମ୍ପୂର୍ଣ୍ଣ ଫଟୋ ଭୋଟର ତାଲିକା ପ୍ରକାଶନ କରିବା ଲକ୍ଷ୍ୟ ରଖାଯାଇଛି । ଏଥି ସକାଶେ ଚଳିତ ମାସ ଅଗଷ୍ଟ 9 ତାରିଖ ଠାରୁ ତା.31.10.2021 ରିଖ ପର୍ଯ୍ୟନ୍ତ ବୁଥ୍ ସ୍ତରୀୟ ଅଧିକାରୀଗଣ ଘରକୁ ଘର ବୁଲି ତଥ୍ୟ ସଂଗ୍ରହ କରି ଭୋଟର ତାଲିକା ସଂଶୋଧନ କରାଉଛନ୍ତି । ଆଗାମୀ 1 ନଭେମ୍ବର 2021 ଦିନ ସମ୍ପୂର୍ଣ୍ଣ ସମ୍ବଳିତ ଭୋଟର ତାଲିକା ଭୋଟ ଦାତାଙ୍କ ସକାଶେ ପ୍ରକାଶନ କରାଯିବ । ନଭେମ୍ବର 1 ତାରିଖ ଠାରୁ ନଭେମ୍ବର 30, 2021 ପର୍ଯ୍ୟନ୍ତ ଭୋଟ୍ ଦାତାଗଣ ଭୋଟ ତାଲିକା ପରଖି ସେମାନଙ୍କର ଆପତ୍ତି ଅଭିଯୋଗ ନିର୍ଦ୍ଧାରିତ ଫର୍ମ ପୂରଣ କରି ଦାଖଲ କରିପାରିବେ । ତା.20.12.2021ରିଖ ମଧ୍ୟରେ ସେମାନଙ୍କର ଆପତ୍ତି ଅଭିଯୋଗ ଶୁଣାଣୀ ହେବ । 2022 ମସିହା ଜାନୁୟାରୀ 5 ତାରିଖ ଦିନ ସଂଶୋଧିତ ଭୋଟର ତାଲିକା ପ୍ରକାଶନ କରାଯିବ । 2022 ମସିହା ଜାନୁୟାରୀ 1 ତାରିଖ ସୁଦ୍ଧା ଯେଉଁ ମାନଙ୍କର 18 ବର୍ଷ ବା ତଦୁର୍ଦ୍ଧ୍ବ ସେମାନେ ଫର୍ମ ନମ୍ବର 6 ପୂରଣ କରି ନିଜ ନାମ ସଂଶୋଧନ କରାଇପାରିବେ । ଭୋଟର ତାଲିକାରେ ଭୋଟର ଦାତା ଗଣ ନାମ ସଂଯୋଗ, ସ୍ଥାନାନ୍ତରିତ ବ୍ୟକ୍ତି ଓ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ନାମ ବାଦ୍, ତତ୍ ସହିତ ଭୋଟର ତାଲିକାରେ ରହିଥିବା ତୃଟିକୁ ସମ୍ପୂର୍ଣ୍ଣ ରୂପେ ସଂଶୋଧନ କରିବା ନିମନ୍ତେ ଭୋଟଦାତାର ନିର୍ଦ୍ଧାରିତ ଫର୍ମ ପୂରଣ କରି ନିର୍ଭୂଲ ଭୋଟର ତାଲିକା ପ୍ରକାଶନ କରିବା ପାଇଁ ସହଯୋଗ କରିବା ପାଇଁ କୁହାଯାଇଛି । ଚଳିତ ବର୍ଷ ଭୋଟର ତାଲିକା ନୂତନ ଭାବେ ନାମ ସଂଯୋଗ କରିବା ବ୍ୟକ୍ତି ଅନ୍ ଲାଇନ୍ ମାଧ୍ୟମରେ ଫୋନ୍ ନମ୍ବର ତଥ୍ୟ ସହିତ ନାମ ପଞ୍ଜିକରଣ କରାଇବେ ଏବଂ ସେମାନେ ଆଧାର କାର୍ଡ ଡାଉନ୍ ଲୋଡ୍ କରିବା ଭଳି ଭୋଟର ପରିଚୟପତ୍ର ମଧ୍ୟ ଡାଉନ୍ ଲୋଡ୍ କରି ପାଇ ପାରିବେ । ଏଥି ନିମନ୍ତେ ଭୋଟର ହେଲପିଙ୍ଗ ମୋବାଇଲ୍ ଆପ୍ ଅନ୍ ଲାଇନ୍ ଫର୍ମ ପୂରଣ କରିପାରିବେ ଏବଂ ଏନ୍.ଭି.ଏଚ୍.ପି. ପୋର୍ଟାଲରେ ପରିଚୟ ପତ୍ର ଡାଉନ୍ ଲୋଡ୍ କରିବାର ସୁବିଧା ପାଇବେ । ଏ ସମ୍ପର୍କରେ ଆଲୋଚନା କରିବା ନିମନ୍ତେ ଜିଲ୍ଲାର ସମସ୍ତ ରାଜନୈତିକ ଦଳର ପ୍ରତିନିଧିଗଣ ଓ ସମ୍ବାଦିକଙ୍କୁ ନେଇ ପ୍ରସ୍ତୁତ ବୈଠକ ଅନୁଷ୍ଠିତ ହୋଇଯାଇଛି ।
ଏହି ବୈଠକରେ ଡେପୁଟି କଲେକ୍ଟର ନିର୍ବାଚନ ଡଃ ବିଜୟାନନ୍ଦ ସେଠୀ, ଛତ୍ରପୁର ଉପ ଜିଲ୍ଲାପାଳ ପ୍ରିୟ ରଞ୍ଜନ ପୃଷ୍ଟି, ରାଜନୈତିକ ଦଳର ପ୍ରତିନିଧିଗଣ ଏବଂ ସାମ୍ବାଦିକଗଣ ଉପସ୍ଥିତ ଥିଲେ ।
