ବୁଗୁଡା(ନ୍ୟୁଜଏକ୍ସଟ୍ରା/ଅନିଲ କୁମାର ମହାରଣା): ସୁରାଟରୁ ୫୪ ଜଣଙ୍କୁ ଧରି ଫେରିଥିବା ବସ ବୁଗୁଡ଼ାରେ ପହଞ୍ଚିବା ପରେ ବିରଞ୍ଚିନାରାୟଣ ପବ୍ଲିକ ସ୍କୁଲ ଓ ଶୋଭନୀୟ ପବ୍ଲିକ ସ୍କୁଲରେ ରହିଥିବା ଜଣା ପଡ଼ିଛି। ୫୪ ଜଣଙ୍କ ମଧ୍ୟରୁ ୪୧ ପୁରୁଷ, ୭ ଜଣ ମହିଳା ଓ ୬ ଜଣ ଛୋଟ ପିଲା ଅଟନ୍ତି। ବୁଗୁଡା,ଜଗନ୍ନାଥ ପ୍ରସାଦ ଓ ଭଞ୍ଜନଗର ଅଞ୍ଚଳର ନିଜ ସମ୍ପର୍କୀୟ ମାନେ ଏକାଠି ହୋଇ ଏହି ବସରେ ଆସିଥିବା ଜଣା ପଡ଼ିଛି। ବସଟିକୁ ପୋଲିସ ଏସ୍କାର୍ଟ ମଧ୍ୟରେ ବୁଗୁଡା ଅଣା ଯାଇଥିଲା। ଯାତ୍ରୀମାନେ ପହଁଞ୍ଚିବା ସମୟରେ ବୁଗୁଡା ବିଡ଼ିଓ ତନ୍ମୟ ପାତ୍ର, ବୁଗୁଡା ଥାନା ଆଇଆଇସି ଚିତ୍ତରଞ୍ଜନ ବେହରା,ଅତିରିକ୍ତ ତହସିଲଦାର ସଂଗ୍ରାମ କେଶରୀ ଜେନା ଓ ବୁଗୁଡା ମେଡିକାଲ ଟିମ ଉପସ୍ଥିତ ଥିଲେ। ଡାକ୍ତରୀ ଟିମ ୫୪ ଜଣ ସୁରାଟ ଫେରନ୍ତାଙ୍କ ସ୍ୱାସ୍ଥ୍ୟ ପରୀକ୍ଷା ପରେ ୪୧ ପୁରୁଷ ଶୋଭନୀୟ ପବ୍ଲିକରେ ରହିଥିବା ବେଳେ ୭ ଜଣ ମହିଳା ଓ ୬ ଜଣ ପିଲା ଏହିପରି ୧୩ ଜଣ ବିରଞ୍ଚିନାରାୟଣ ପବ୍ଲିକ ସ୍କୁଲରେ ରହିଲେ। ସେହିପରି କଳିଙ୍ଗା ଘାଟି ବସ ଦୁର୍ଘଟଣାରେ ପ୍ରାଣ ହରାଇଥିବା ଦୁଇ ବୁଗୁଡା ଅଞ୍ଚଳର ହୋଇଥିବା ବେଳେ ଚିତ୍ତରଞ୍ଜନ ସେଠୀଙ୍କ ଘର ବୁଗୁଡା ପିପୁଲସ କଲେଜ ନିକଟ ବରଡିପଲ୍ଲୀ ଓ ସନ୍ତୋଷ ସେଠୀଙ୍କ ଘର ବୁଗୁଡା ବୋଲି ଜଣା ପଡ଼ିଛି। ଦ୍ଵିତୀୟ ବସ ରାତ୍ର ୧୧ ଘଣ୍ଟା ସମୟରେ ୫୬ ଜଣ ସୁରାଟ ଫେରନ୍ତା ଯାତ୍ରୀଙ୍କୁ ନେଇ ବୁଗୁଡ଼ାରେ ପହଞ୍ଚିଥବା ବେଳେ ଗୋଲିଆ ଓଡିଶା ଆଦର୍ଶ ବିଦ୍ୟାଳୟରେ ରହିବା ସମ୍ଭାବନା ଅଛି।
