ବେଲଗୁଣ୍ଠା(ନ୍ୟୁଜଏକ୍ସଟ୍ରା ବ୍ୟୁରୋ):ବେଲଗୁଣ୍ଠା ନିକଟସ୍ଥ ଠେଙ୍ଗାଧରା ବଡ ନଦୀ ରେ ଏକ ଟ୍ରାକ୍ଟର ଓ ଏକ ଜେସୀବୀ ମେସିନ ଅଧା ବୁଡ଼ି ଥିବା ଅବସ୍ତାରେ ଦେଖିବାକୁ ମିଳିଛି l ପହଣ୍ଡାରୁ ନିୟମିତ ବାଲି ମାଫିଆ ମାନେ ରାଜସ୍ବ ଠକି ବାଲି ଚୋରି କରିଆସୁଥିଲେ ।ଏଇ ଗାଡି ଦୁଇଟି ବାଲି ଚୋରି କରୁଥିଲେ ନା ଅନ୍ୟ କୌଣସି କାମରେ ଜାଇ ଫସୀଥୀଲେ ତାହା ତଦନ୍ତ ପରେ ଜଣାପଡ଼ିବା । ମିଳିଥିବା ସୂଚନା ପ୍ରକାରେ ଟ୍ରାକ୍ଟର ଟି ନଦୀ ପାର ହେଉଥିବା ବେଳେ ହଠାତ୍ ବଡ ନଦୀରେ ଅଧିକ ପାଣି ଆସିଯିବାରୁ ଟ୍ରାକ୍ଟର ଟି ବାହାରକୁ ଆସିପାରିନଥିଲା । ନଦୀ ହୁଡ଼ା କାମରେ ନିୟୋଜିତ ଥିବା ଜେସୀବୀ ଟ୍ରାକ୍ଟରକୁ ଉଦ୍ଧାର କରିବା ପାଇଁ ଜେସିବି ମେସିନଟି ମଧ୍ୟ ଭିତରକୁ ଯାଇ ଉଦ୍ଧାର କରିବାକୁ ଚେଷ୍ଟା କରୁଥିବା ବେଳେ ଜେସିବି ଟି ମଧ୍ୟ ଫସିଯାଇଥିଲା ।ନଦୀର ଜଳସ୍ତର ବୃଦ୍ଧି ପାଉଥିବାରୁ ଟ୍ରାକ୍ଟର ଡ୍ରାଇଭର ଓ ମେସିନ ଅପରେଟର ଦୁହେଁ ଗାଡିରୁ ଓହ୍ଲାଇ ନଦୀ କୁଳକୁ ଚାଲିଆସିଥିଲେ ।ଟ୍ରାକ୍ଟର ଟି ନଦୀ ଭିତରେ ବୁଡିଯାଇଥିବା ବେଳେ ଜେସିବି ଟି ଅଧା ବୁଡିଯାଇଥିବା ଜଣାପଡିଛି ।ପାଣି କମିଲା ପରେ ଗାଡି ଦୁଇଟି ଉଦ୍ଧାର ହୋଇପାରିବ ବୋଲି ଜଣାପଡିଛି । ଖବର ପାଇ ବେଲ୍ଲଗୁଣ୍ଠା ଅତିରିକ୍ତ ତହସିଲଦାର ଧରଣୀ ଧର ବେହେରା ଘଟଣା ଜାଗାକୁ ଜାଇ ଗାଡି ଦୁଇଟି କାହାର ଏଵଂ କେଉଁ ଉଦେଶ୍ୟ ରେ ନଦୀକୁ ଜାଇଥିଲା ସ୍ତାନିୟ ଲୋକଙ୍କୁ ପଚାରି ବୁଝୀଥୀବା ଜଣା ପଡିଛି ।
