ରାସ୍ତା କଡରେ ପାଗଳି କଲା ସନ୍ତାନ ପ୍ରସବ, ଗ୍ରାମବାସୀଙ୍କ ସାହାଯ୍ୟରେ ଉଭୟେ ଡାକ୍ତରଖାନାକୁ ସ୍ଥାନାନ୍ତର।

ଗଂଜାମ(ନ୍ୟୁଜଏକ୍ସଟ୍ରା ବ୍ୟୁରୋ)ଗଞ୍ଜାମ ଜିଲ୍ଲା କେ. ନୁଆଗାଁ ଥାନା ଅନ୍ତର୍ଗତ ବାଲିଯୋଡି ଗାଁ ନିକଟ କେନାଲ ପାର୍ଶ୍ଵରେ ଏକ ପାଗଳି ସନ୍ତାନ ଜନ୍ମ ଦେଇଛି। ପରେ ଖବର ପାଇ ସ୍ଥାନୀୟ ଲୋକଙ୍କ ସହାୟତାରେ ଉଭୟ ପାଗଳି ଓ ନବଜାତ ଶିଶୁଙ୍କୁ ନିକଟସ୍ଥ ବମକେଇ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ଉଭୟଙ୍କ ସ୍ୱାସ୍ଥ୍ୟ ଅବସ୍ଥା ଠିକ ଅଛି। ତେବେ ପାଗଳିଟି କିଭଳି ଗର୍ଭବତୀ ହେଲା ଓ ବର୍ତ୍ତମାନ ନବଜାତ ଶିଶୁର ଯତ୍ନ କିଏ ନେବ ଏହାକୁ ନେଇ ଉଠିଛି ପ୍ରଶ୍ନ।