ଗଞ୍ଜାମ:ଗଞ୍ଜାମ ଜିଲ୍ଲା ଦିଗପହଣ୍ଡି ବିଜୁ ପଟ୍ଟନାୟକ ମହିଳା କଲେଜ ସ୍ଥିତ ଉଚ୍ଚ ମାଧ୍ୟମିକ ବିଦ୍ୟାଳୟର ଲାଇବ୍ରେରୀୟାନ କର୍ମକର୍ତ୍ତା ଶ୍ରୀକାନ୍ତ କୁମାର ମହାନ୍ତିଙ୍କୁ ତାଙ୍କ ଚାକିରି ଜୀବନର ଅବସରପରେ କଲେଜ ପକ୍ଷରୁ ଅବସରକାଳୀନ ସମ୍ବର୍ଦ୍ଧନା ଦିଆଯାଇଛି । ମହାବିଦ୍ୟାଳୟ ଅଧ୍ୟକ୍ଷା ସସ୍ମିତା କୁମାରୀ ପାଠୀଙ୍କ ଅଧ୍ୟକ୍ଷତାରେ ଆୟୋଜିତ ସମ୍ବର୍ଦ୍ଧିତ ଉତ୍ସବରେ ଅଧ୍ୟାପିକା ଅଧ୍ୟାପକ ବୃନ୍ଦ ଉପସ୍ଥିତ ରହି ଗତ ୧୯୯୨ ଅଗଷ୍ଟ ୧୦ ତାରିଖ କଲେଜ ପ୍ରତିଷ୍ଠା ଠାରୁ ଲାଇବ୍ରେରୀୟାନଙ୍କ ଅବଦାନ ଏବଂ ତାଙ୍କ କର୍ତ୍ତବ୍ୟ ନିଷ୍ଠା , ସମୟାନୁବର୍ତ୍ତିତା ଏବଂ ପ୍ରତିଟି କ୍ଷେତ୍ରରେ ସହଯୋଗ ସମ୍ପର୍କରେ ଉଦବୋଧନ ଦେଇ ତାଙ୍କ ଅବଶିଷ୍ଟ ଜୀବନ ସୁଖ ଓ ଶାନ୍ତି ରେ କଟୁ ବୋଲି ଉଦବୋଧନ ଦେଇଥିଲେ । ତାଙ୍କୁ ବିଦ୍ୟାଳୟ ପକ୍ଷରୁ ମାନପତ୍ର ଏବଂ ଉପଢୌକନ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମରେ ଅଧ୍ୟାପିକା ଗୀତାଞ୍ଜଳି ମହାନ୍ତି , ମଞ୍ଜୁଳା ସାମନ୍ତରା , ସବିତା କୁମାରୀ ପଣ୍ଡା , ଅଧ୍ୟାପକ ସୁଧୀର କାନ୍ତ ପଣ୍ଡା , ପୀତବାସ ପାଢ଼ୀ , କର୍ମଚାରୀ ଏମ୍ .ଭାସ୍କର ,ବି.ଲୋକନାଥ ,ମାମା ପଣ୍ଡା ଏବଂ ଜୟଶ୍ରୀ ପଣ୍ଡା ପ୍ରମୁଖ ଉପସ୍ଥିତ ଥିଲେ।
ରିପୋର୍ଟ:କିରଣ ବେହେରା
