ଛତ୍ରପୁର : ଗଞ୍ଜାମ ଜ଼ିଲ୍ଲାବାସି ସତର୍କତା ଏବଂ ସମ୍ପୂର୍ଣ ଟୀକାକରଣ ନହେଲେ ଆଗାମି ଦିନରେ ତୃତୀୟ ଲହର ସଂକ୍ରମଣରୁ ବର୍ତ୍ତିବା ସମ୍ଭବପର ହେବ ନାହିଁ I ଜନସାଧାରଣଙ୍କ ଢିଲା ଓ ଖାମଖିଆଲି ମନଭାବ ପୁଣି ବିପଦ ଆଡକୁ ଟାଣିନେବ I ଏହି ସମ୍ପର୍କିତ ଏକ ଗୁରୁତ୍ୱପୂର୍ଣ୍ଣ ଆଭାସି ବୈଠକ ଜ଼ିଲ୍ଲାପାଳ ବିଜୟ ଅମୃତା କୁଲାଙ୍ଗେଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି I ଜ଼ିଲ୍ଲାପାଳଙ୍କ କାର୍ଯ୍ୟାଳୟ ଅଶ୍ଵାନ ହଲରେ ଆଭାସି ବୈଠକରେ ଜ଼ିଲ୍ଲାପାଳ ସମସ୍ତ ଅଧିକାରୀଙ୍କୁ ଜଣାଇଥିଲେ ଯେ, ଜ଼ିଲ୍ଲାରେ ଏଯାବତ 82 ପ୍ରତିଶତ ଲୋକେ ଟୀକାକରଣ କରିଛନ୍ତି, ପୁଣି 18 ପ୍ରତିଶତ ଲୋକଙ୍କ ଟୀକାକରଣ ବାକି ରହିଛି I ଜ଼ିଲ୍ଲାରେ କେହି ଜଣେ ହେଲେ ବ୍ୟକ୍ତି ଟୀକାକରଣରୁ ବଞ୍ଚିତ ରହିବେ ନାହିଁ, ସେଥିନିମନ୍ତେ ସମସ୍ତ ସମ୍ପୃକ୍ତ ଅଧିକାରୀଗଣ ତତ୍ଵରତାର ସହିତ କାର୍ଯ୍ୟ କରନ୍ତୁ I ନଚେତ ଦକ୍ଷିଣ ଆଫ୍ରିକାରେ ଦେଖା ଯାଇଥିବା ନୂଆ ପ୍ରଜାତିର କରୋନା ଭୁତାଣୁ ତୃତୀୟ ଲହରକୁ ଏଡାଯାଏ ପାରିବ ନାହିଁ I ଆଗାମି ଡିସେମ୍ବର ମାସ 15 ତାରିଖ ସୁଦ୍ଧା ଟୀକାକରଣରୁ ବଞ୍ଚିତ ଥିବା 18 ପ୍ରତିଶତ ଲୋକଙ୍କ ପ୍ରଥମ ଡୋଜ ଶେଷ କରନ୍ତୁ I ଡାକ୍ତର ଗଣ ଟୀକାକରଣକୁ ଚାଲେଞ୍ଜ ଭାବେ ଗ୍ରହଣ କରି ଯୁଦ୍ଧକାଳିନ ଭିତ୍ତିରେ ଏହି କାର୍ଯ୍ୟ ସମ୍ପନ୍ନ କରନ୍ତୁ I ଜ଼ିଲ୍ଲାପାଳ ଶ୍ରୀ କୁଲାଙ୍ଗେ ସମସ୍ତ ଡାକ୍ତରଗଣକୁ ପୁନର୍ବାର ଏବଂ ଶେଷ ଥର ପାଇଁ ଅନୁରୋଧ କରିଛନ୍ତି ସେମାନେ ନିଜନିଜ ହେଡ କ୍ୱାଟର ଛାଡ଼ନ୍ତୁ ନାହିଁ ନଚେତ ପାଣ୍ଡାମିକ ଆଇନ ପ୍ରକାରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବାଧ୍ୟ ହେବେ ବୋଲି ସତର୍କ କରାଇ ଦେଇଛନ୍ତି I “ହର ଘର ଦସ୍ତକ” କାର୍ଯ୍ୟକ୍ରମରେ ପ୍ରତିଟି ଘରକୁ ଘର ଯାଇ ସର୍ଭେ କରନ୍ତୁ I କେହିଜଣେ ବି ଟୀକାକରଣରୁ ବଞ୍ଚିତ ହେବେ ନାହିଁ ନିଶ୍ଚିତ କରନ୍ତୁ ଗର୍ଭବତୀ ମହିଳା ଟିକାକରଣ ସୁନିଶ୍ଚିତ କରନ୍ତୁ I ଜ଼ିଲ୍ଲା ମୁଖ୍ୟ ଚିକିତ୍ସା ଅଧିକାରୀ, ଜ଼ିଲ୍ଲା ସମନ୍ବିତ ଶିଶୁ ଓ ମିହିଳା ବିକାଶ ଅଧିକାରୀ ନିଜ ସ୍ତରରେ ସମୀକ୍ଷାକରି ଟୀକାକରଣ କମିଯିବାର କାରଣ ସମ୍ପର୍କରେ ତଥ୍ୟ ପ୍ରଦାନ କରିବାକୁ ଜ଼ିଲ୍ଲାପାଳ ନିର୍ଦେଶ ଦେଇଛନ୍ତି I ଜ଼ିଲ୍ଲାରେ 2722906 ବ୍ୟକ୍ତିଙ୍କୁ 25 ନଭେମ୍ବର 21 ସୁଦ୍ଧା ଟୀକାକରଣ ଦେବାକୁ ଲକ୍ଷ୍ୟ ରଖାଯାଇଥିବା ବେଳେ 18 ବର୍ଷ ବୟସ୍କ ପର୍ଯ୍ୟନ୍ତ 2233958 ଜଣ ପ୍ରଥମ ଡୋଜ 1926493 ଦ୍ୱତୀୟ ଡୋଜ ଗ୍ରହଣ କରିଛନ୍ତି I 357090 ବ୍ୟକ୍ତିଙ୍କ ନିମନ୍ତେ କୋଭାକସିନ ଏବଂ 33480 ବ୍ୟକ୍ତିଙ୍କ ସକାଶେ କୋଭିସିନ ଟିକା ମହଜୁଦ ରହିଛି I ଲୋକଙ୍କୁ ସଠିକ ସଚେତନତା ଓ ସୂଚନା ପ୍ରଦାନ କରନ୍ତୁ, ସେମାନେ ଯେମିତି ଟୀକାକରଣ ଦିଗରେ ଆଗ୍ରହ ହେବେ ସେ ଦିଗରେ ପଦକ୍ଷେପ ଗ୍ରହଣ କରିବାକୁ କୁହାଯାଇଛି I ଜ଼ିଲ୍ଲାପାଳ ସମସ୍ତ ବ୍ଲକର ସମୀକ୍ଷା କରିଥିଲେ ଏବଂ ଟୀକାକରଣ ପ୍ରକ୍ରିୟାକୁ ତ୍ୱରାନ୍ୱିତ କରିବାକୁ ଜଣାଇଥିଲେ I ଲୋକେ ବର୍ତମାନ ଖାମଖିଆଲି ନୀତି ଆପଣାଇଛନ୍ତି, ମାସ୍କ ବ୍ୟବହାର କରୁନାହାନ୍ତି I ବଣଭୋଜି, ଗହଳି କରୁଛନ୍ତି, ସବୁଠି ଭିଡ଼ ଜମୁଛି, ସତର୍କ ରହୁନାହାନ୍ତି I ପୁଣି ବିପଦକୁ ଆମନ୍ତ୍ରଣ କରୁଛନ୍ତି ଏହି ଦିଗରେ ସତର୍କତା କରାନ୍ତୁ ଏବଂ ଚଢ଼ାଉ ପ୍ରକ୍ରିୟା ଆରମ୍ଭ କରିବାକୁ ନିର୍ଦେଶ ଦିଆଯାଇଛି I
ବୈଠକରେ ଜ଼ିଲ୍ଲା ଗ୍ରାମ୍ୟ ଉନ୍ନୟନ ପ୍ରକଳ୍ପ ନିର୍ଦେଶକ ସିନ୍ଧେ ଦତ୍ତାତ୍ରୟ ଭାଉ ସାହେବ, ବ୍ରହ୍ମପୁର ମହାନଗର ନିଗମ ଆୟୁକ୍ତ ଡ଼. ସିଧେଶ୍ୱେର ବୋଦାର, ଅତିରିକ୍ତ ଜ଼ିଲ୍ଲାପାଳ ଲିନା କୁମାରୀ ଖେସ୍, ପ୍ରିୟ ରଞ୍ଜନ ପୃଷ୍ଟି, ଡୁଡା ପ୍ରକଳ୍ପ ନିର୍ଦେଶକ ସଚ୍ଚିଦାନନ୍ଦ ନାୟକ, ଉପ ଜ଼ିଲ୍ଲାପାଳ ଗଣ , ବ୍ରହ୍ମପୁର ଉନ୍ନୟନ କର୍ତ୍ତୃପକ୍ଷ ସଚିବ ସମ୍ବିତ ରାଉତ, ଜ଼ିଲ୍ଲା ମୁଖ୍ୟ ଚିକିତ୍ସାଧିକାରୀ ଡ଼ା. ଉମାକାନ୍ତ ମିଶ୍ର, ଜାତୀୟ ସ୍ୱାସ୍ଥ୍ୟ ମିଶନ ଜ଼ିଲ୍ଲା ଯୋଜନା ଅଧିକାରୀ ଶ୍ୟାମ ସୁନ୍ଦର ତ୍ରିପାଠୀ, ସମସ୍ତ ବିଡ଼ିଓ, ତହସିଲଦାର ପ୍ରମୁଖ ଉପସ୍ଥିତ ଥିଲେ I
