ଭଞ୍ଜନଗର(ନିଲୁ ବିଷୋୟୀ) ସୁନ୍ଦର ସୁନ୍ଦର ଚିତ୍ର କଳାରେ ସମଗ୍ର ଭଞ୍ଜନଗର ଏବେ ଚମକୁଛି । ଐତିହ୍ୟ ଭରା ଭଞ୍ଜନଗର ମାଟିର ଚିତ୍ରଶିଳ୍ପୀମାନଙ୍କ ହାତର କଳା ,ରଙ୍ଗ ଏବଂ ତୂଳୀ ମାଧ୍ୟମରେ ବିଭିନ୍ନ ସରକାରୀ ପାଚେରୀ ମାନଙ୍କରେ ଶୋଭାବର୍ଦ୍ଧନ କରୁଛି । ରାସ୍ତାରେ ଯାଉଥିବା ବାଟୋଇଟିଏ ଏହି ଚିତ୍ର କଳାକୁ କିଛି ସମୟ ନିରୀକ୍ଷଣ ନକରି ରହିପାରିବ ନାହିଁ । ଭଞ୍ଜନଗରର ବିଭିନ୍ନ କଳା ସଂସ୍କୃତି, ପରଂପରା, ଐତିହ୍ୟ ସ୍ଥାନ, ଦର୍ଶନୀୟ ସ୍ଥାନ , ବିଭିନ୍ନ ଠାକୁରାଣୀ, କ୍ରୀଡା ,ବୀରତ୍ବର ଗାଥା , ସ୍ୱାସ୍ଥ୍ୟ ଆଦିକୁ ନେଇ ସଚେତନତାର ବାର୍ତ୍ତା ଚିତ୍ର ଗୁଡିକରେ ପ୍ରସ୍ପୁଟିତ ହୋଇଛି । ସହରର ବିଭିନ୍ନ ସ୍ଥାନରେ ଗତ ତିନି ମାସରୁ ଉର୍ଦ୍ଧ ହେଲା ଆଚଂଳିକ କଳାକାରମାନଙ୍କ ଦ୍ୱାରା ଚିତ୍ର ଗୁଡିକ ଅଙ୍କା ଚାଲିଛି । କରୋନା ମହାମରୀ ସମୟରେ ଲକଡାଉନ ଓ ସଟଡାଉନ କାରଣରୁ ଲୋକଙ୍କୁ କୌଣସି କାର୍ଯ୍ୟ ମିଳୁନଥିବା ବେଳେ କଳାକାରମାନଙ୍କୁ ରୋଜଗାର ଦେବା ଉଦ୍ଦେଶ୍ୟରେ ଭଞ୍ଜନଗର ଏନ.ଏ.ସି ପ୍ରଶାସନ ପକ୍ଷରୁ ଏଭଳି ପ୍ରୟାସ କରାଯାଇଛି । ଏଥିରେ ଭଂଜନଗର ଅଚଂଳର ଚିତ୍ର ଶିଳ୍ପିମାନେ ଉପକୃତ ହୋପାରିଥିବାରୁ ଖୁସି ଜାହିର କରିଛନ୍ତି ।
