କ୍ରମାଗତ ଭାବେ ୨୦ ବର୍ଷ ଧରି ଓଡିଶା ଶାସନର ଡୋରୀ ଧରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଯାଏଁ କିନ୍ତୁ ସରକାର ବିରୋଧୀ ହାୱା ତାଙ୍କୁ ଛୁଇଁ ପାରିନି । ପ୍ରତି ନିର୍ବାଚନରେ ତାଙ୍କ ପ୍ରତି ଜନସମର୍ଥନ ବଢୁଥିବା ଭଳି ତାଙ୍କର ଲୋକପ୍ରିୟତା ମଧ୍ୟ ଶୀର୍ଷରେ ରହିଛି । ୮୨.୯୬ ପ୍ରତିଶତ ବା ହାରାହରି ୮୩ ପ୍ରତିଶତ ଲୋକ ନବୀନଙ୍କ ନେତୃତ୍ୱାଧୀନ ବିଜେଡି ସରକାରର କାର୍ଯ୍ୟକ୍ରମକୁ ପସନ୍ଦ କରୁଛନ୍ତି । ପ୍ରତି ରାଜ୍ୟର ୩ହଜାର ଲୋକଙ୍କ ମତାମତ ନେଇ ଗତ ମେ ମାସରେ ସି-ଭୋଟର ପକ୍ଷରୁ ଏହି ସଭେର୍ ହୋଇଥିଲା । ପୂର୍ବରୁ ବିଭିନ୍ନ ସମୟରେ ଜାତୀୟ ସ୍ତରରେ ହୋଇଥିବା ସଭେର୍ ଅାଧାରରେ ନବୀନ ପଟ୍ଟନାୟକ ଶେ୍ରଷ୍ଠ ପ୍ରଶାସକ ଓ ଶେ୍ରଷ୍ଠ ମୁଖ୍ୟମନ୍ତ୍ରୀର ମାନ୍ୟତା ପାଇଥିଲେ । ଏବେ ପୁଣି ଥରେ ସେ ଦେଶର ସବୁ ମୁଖ୍ୟମନ୍ତ୍ରୀମାନଙ୍କ ମଧ୍ୟରୁ ସବୁଠାରୁ ଅଧିକ ଲୋକପ୍ରିୟ ।
