ଭଞ୍ଜନଗର : ଅଗ୍ରଣୀ ସାହିତ୍ୟ ଅନୁଷ୍ଠାନ ଲୋହରାଖଣ୍ଡି ସାହିତ୍ୟ ସଂସଦ ୩୦୦୦ରୁ ଉର୍ଦ୍ଧ୍ୱ ଉପାଦେୟ ପୁସ୍ତକ, ପତ୍ରପତ୍ରିକା ସମେତ ଦୁଇ ଗୋଟି ଆଲମିରା, ଚେୟାର ଓଡ଼ିଶା ପାଠାଗାର ତଥା ସଂଗ୍ରାହଳୟ ଆନ୍ଦୋଳନର ଜନକ ଦାସରଥି ପଟ୍ଟନାୟକ (ଦାସିଆ ଅଜା)ଙ୍କ ଦ୍ୱାରା ନୟାଗଡ଼ ଦଶପଲ୍ଲାର ଉଦୟପୁର ଠାରେ ପ୍ରତିଷ୍ଠିତ ସୁପ୍ରସିଦ୍ଧ ପାଠାଗାର ସଂଗ୍ରାହଳୟ ଗବେଷଣା କେନ୍ଦ୍ରକୁ ପ୍ରଦାନ କରାଯାଇଛି । ଦାସିଆ ଅଜାଙ୍କ ନାତି ତଥା ଅନୁଷ୍ଠାନର ସମ୍ପାଦକ ଦୀପକ ପଟ୍ଟନାୟକଙ୍କ ଉପସ୍ଥିତିରେ ଭଞ୍ଜନଗର ଠାରେ ଲୋହରାଖଣ୍ଡି ସାହିତ୍ୟ ସଂସଦର ସମ୍ପାଦକ ଚିନ୍ମୟ କୁମାର ବେବର୍ତା ସମସ୍ତ ପୁସ୍ତକ, ପତ୍ରପତ୍ରିକା, ଆଲମିରା ଏବଂ ଚେୟାର ପ୍ରଦାନ କରିଛନ୍ତି । ଲୋହରାଖଣ୍ଡି ସାହିତ୍ୟ ସଂସଦର ଏହି ପୁସ୍ତକ ଦାନ ବଦାନ୍ୟତାକୁ ଭଞ୍ଜନଗର ଅଂଚଳର ବୁଦ୍ଧିଜୀବୀ ତଥା ସାହିତ୍ୟିକ ମାନେ ସ୍ୱାଗତ ଜଣାଇଛନ୍ତି । ଦାସିଆ ଅଜାଙ୍କ ପାଠାଗାର ସଂଗ୍ରହାଳୟକୁ ଯେଉଁ ବ୍ୟକ୍ତି ବିଶେଷମାନେ ପୁସ୍ତକ ତାଳପତ୍ର ପୋଥି ଏବଂ ପୁରୁଣା ସାମଗ୍ରୀମାନ ପ୍ରଦାନ କରିବାପାଇଁ ଇଚ୍ଛୁକ ଅଛନ୍ତି ସେମାନେ ଦାସିଆ ଅଜାଙ୍କ ପାଠାଗାରକୁ ଯୋଗଯୋଗ ପାଇଁ ଦାସିଆ ଅଜାଙ୍କ ନାତି ଦୀପକ ପଟ୍ଟନାୟକ ମୋ: ୮୮୯୫୬୩୦୦୫୨ ନିବେଦନ କରିଛନ୍ତି । ଏହି ପୁସ୍ତକ ପ୍ରଦାନ ସମୟରେ ଅନୁଷ୍ଠାନର ପରିଚାଳନା ସମ୍ପାଦିକା ପ୍ରଭାତୀ ମଞ୍ଜରୀ ବେହେରା, ବିଶ୍ୱଜନନୀ କଳା ପରିଷଦର ସମ୍ପାଦକ ଜଗଦିଶ ପାଣିଗ୍ରାହୀ ଉପସ୍ଥିତ ଥିଲେ ।
ରିପୋର୍ଟ:ନିଲୁ ବିଷୋୟୀ
