ବେଗୁନିଆପଡ଼ା:ଗଞ୍ଜାମ ଜିଲ୍ଲା କୋଦଳା ଏନଏସିରେ ବିଜେପି ପକ୍ଷରୁ ବିଶାଳ ବିଜୟ ଶୋଭାଯାତ୍ରା । କୋଦଳା ଏନଏସିରେ ବିଜେପି ଦଳର ଅଧ୍ୟକ୍ଷ ପ୍ରାର୍ଥୀ ସୁର୍ଯ୍ୟନାରାୟଣ ନାୟକ ବିଜୟ ଲାଭ କରିଥିବା ବେଳେ ଉପାଧ୍ୟକ୍ଷା ଭାବେ ବିଜେପି ପ୍ରାର୍ଥୀନୀ ରଞ୍ଜିତା ସେଠୀ ବିଜୟ ଲାଭ କରିବା ସହ କୋଦଳା ଏନଏସିର ୧୩ ଟି ୱାର୍ଡ ମଧ୍ୟରୁ ୮ଟି ୱାର୍ଡରେ ବିଜେପି ପ୍ରାର୍ଥୀ ବିଜୟ ଲାଭ କରିଥିଲେ। କୋଦଳାବାସୀଙ୍କୁ କୃତଜ୍ଞତା ଜଣାଇବା ପାଇଁ ବିଜେପି ପକ୍ଷରୁ ବିଜୟ ଶୋଭାଯାତ୍ରା ଆୟୋଜନ କରାଯାଇଥିଲା । ଏହି ଶୋଭା ଯାତ୍ରାରେ କୋଦଳା ଏନଏସି ଅଧ୍ୟକ୍ଷ ସୁର୍ଯ୍ୟ ନାରାୟଣ ନାୟକ, ଉପାଧ୍ୟକ୍ଷା ରଞ୍ଜିତା ସେଠୀଙ୍କ ସମେତ ରାଜ୍ୟ ବିଜେପି ଉପ ସଭାନେତ୍ରୀ ଅନିତା ଶୁଭଦର୍ଶିନୀ, ଗଞ୍ଜାମ ଜିଲ୍ଲା ବିଜେପି ସଭାପତି ବିଭୁତି ଭୂଷଣ ଜେନା, ଘୁମୁସର ସାଙ୍ଗଠନିକ ଜିଲ୍ଲା ସଭାପତି ଗୋକୁଳାନନ୍ଦ ମଲ୍ଲିକ ଓ ଯୁବମୋର୍ଚ୍ଚା ସଭାପତି ପ୍ରମୋଦ କୁମାର ପଣ୍ଡା, ସମ୍ପାଦକ ଆଲୋକ କୁମାର ଶତପଥୀ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ରଞ୍ଜନ ପଲାଇ, ଘୁମୁସର ଜିଲ୍ଲା ମହିଳା ମୋର୍ଚ୍ଚା ସମ୍ପାଦିକା ମୀରା ଦେଓ, ସ୍ୱପ୍ନା ପ୍ରଧାନ, ବରିଷ୍ଠ ବିଜେପି ନେତା ନୀଳମଣି ବିଶୋଇ, ଅନୀଲ ପଣ୍ଡା, ସନ୍ତୋଷ କୁମାର ନାୟକ, ଶଙ୍କର ନାୟକ, ଯଜ୍ଞ ନାରାୟଣ ଦାଶ, ସନ୍ତୋଷ କୁମାର ଡାକୁଆଙ୍କ ସମେତ କୋଦଳା ଏନଏସିର ସମସ୍ତ ବିଜୟୀ ବିଜେପି କାଉନସିଲର ଓ ଶତାଧିକ ସମର୍ଥକ ଉପସ୍ଥିତ ଥିଲେ।
