ବ୍ରହ୍ମପୁର: ହରିହର ନଗର ସ୍ଥିତ ହରିହର ଭେଟ ମନ୍ଦିର କମିଟି ଆୟୋଜନରେ ଏକ ସ୍ବାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି l ଆରୋଗ୍ୟ ଭାରତୀ ଅଧ୍ୟକ୍ଷ ଡା. ନକୁଳ ସାହୁଙ୍କ ସହାୟତାରେ ରକ୍ତଚାପ, ମଧୁମେହ, ଗଣ୍ଠିବାତ, ଅମ୍ଳପିତ୍ତ ରୋଗର 37 ରୋଗୀଙ୍କୁ ପରୀକ୍ଷା କରି ଚିକିତ୍ସା, ପରମର୍ଶ ଓ ଔଷଧ ବିତରଣ କରାଯାଇଥିଲା l ଏଠାରେ ପ୍ରତ୍ୟେକ ସୋମବାର ସକାଳେ ସ୍ୱାସ୍ଥ୍ୟ ଶିବିର ଅନୁଷ୍ଠିତ ହୁଏ,ମନ୍ଦିର କମିଟି ତରଫରୁ ଏହାର ସୁଯୋଗ ନେବା ପାଇଁ ଜନସାଧାରଣଙ୍କୁ ଅନୁରୋଧ କରାଯାଇଛି l ଶିବିର ପରିଚାଳନାରେ ଭାଗବାନ ପରିଛା, ଦୁର୍ଗା ପ୍ରସାଦ ପରିଛା ସହଯୋଗ କରିଥିଲେ l
