କୋଦଳା: ସ୍ଥାନୀୟ କୋଦଳା ଦମକଳ କେନ୍ଦ୍ର ଠାରେ ୭୨ ତମ ବନମହୋତ୍ସବ ପାଳିତ ହୋଇଯାଇଛି l ଉକ୍ତ କାର୍ଯ୍ୟକ୍ରମରେ ପୋଲସରା ବନାଞ୍ଚଳ ଅଧିକାରୀ ଶ୍ରୀ ସଚିନ କୁମାର ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇ ପ୍ରଥମେ ଚାରା ରୋପଣ କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଉଦଘାଟନ କରି ଦମକଳ କେନ୍ଦ୍ର କାର୍ଯ୍ୟାଳୟ ପ୍ରାଙ୍ଗଣରେ ଚାରା ରୋପଣ କରିଥିଲେ l ବୃକ୍ଷ ହିଁ ଜୀବନ, ବୃକ୍ଷର ଅଭାବ ଯୋଗୁଁ ବେଳେବେଳେ ବର୍ଷାର ଘୋର ଅଭାବ ଦେଖାଦେଉଛି ବୋଲି ଶ୍ରୀ ପ୍ରଧାନ ନିଜ ବକ୍ତବ୍ୟରେ କହିଥିଲେ l ଏହି ଉତ୍ସବରେ ବନପାଳ ଶ୍ରୀ କୋରା ପ୍ରସାଦ ଜେନା (କୋଦଳା), ବନପାଳ ଶ୍ରୀ ସୁକାନ୍ତ କୁମାର ପଟ୍ଟନାୟକ (ପୋଲସରା), ବନରକ୍ଷୀ ଶ୍ରୀମତୀ ଲିଲି ମଲ୍ଲିକ (କୋଦଳା), ବନରକ୍ଷୀ ଶ୍ରୀ ସୁବୋଧ କୁମାର ବେହେରା, ବନରକ୍ଷୀ ଶ୍ରୀ ରମାକାନ୍ତ ହୋତା (ପୋଲସରା), ଫାୟାର ଅଫିସର ସୁଜୟ କୁମାର ହେମରମ (କୋଦଳା) ସମେତ ସମସ୍ତ କର୍ମଚାରୀ ଯୋଗଦେଇଥିଲେ l
ରିପୋର୍ଟ :ଭଞ୍ଜ ମହାରଣା
