ବୁଗୁଡ଼ା(ନ୍ୟୁଜଏକ୍ସଟ୍ରା/ଅନିଲ କୁମାର ମହାରଣା):ବୁଗୁଡ଼ା ସହରର ସମସ୍ତ ଅଳିଗଳିରେ ଆଉ ଜଳ କଷ୍ଟ ରହିବ ନାହିଁ ବୋଲି ଜଣାପଡିଛି। ସମ୍ପ୍ରତି ହରି ଶରଣପୁର ଠାରେ ଥିବା ଜଳଭଣ୍ଡାରରେ ଦୁଇଟି ନୂତନ କୂପ ଖନନ କରିବା ହେତୁ ଅଭାବ ହେଉଥିବା ୧୫୦୦ ଗ୍ଯାଲନ୍ ଜଳ ଉତ୍ତୋଳିତ ହେବ ଓ ଏହି ଜଳ ଯୋଗାଣ ମଟର ଲଗାଇଲା ପରେ ଆରମ୍ଭ ହେବ ବୋଲି ଜଣାପଡ଼ଛି। ନିକଟସ୍ଥ ବି.ଡି.ପୂର ଓ ହାତୀଖାଲ ପ୍ରକଳ୍ପରୁ ଆସୁଥିବା ଜଳ ସହିତ ହରିଶରଣପୁର ର ପୂର୍ବରେ ଥିବା ଦୁଇଟି ପଏଣ୍ଟ ସହିତ ନୂଆ ପଏଣ୍ଟ ମିଶିଲେ ୩ ଲକ୍ଷ ଗ୍ଯାଲନ୍ ଜଳ ଯୋଗାଇ ଦିଆଯାଇପାରିବ ବୋଲି ଆକଳନ କରାଯାଇଛି। ଅରବିନ୍ଦ ନଗର ସମସ୍ତ ଗଳି କୁ ପାନୀୟ ଜଳ ପାଇପ୍ ଯୋଗେ ଯାଉନଥିବା ଯୋଗୁଁ ଜନ ଅସନ୍ତୋଷ ଦେଖାଯାଉଥିଲା। ଯଥାଶୀଘ୍ର ଏହି ସାହି ପାଇଁ ପୋଲସରା ଛକଠାରୁ ପାଇପ ବିଛାଯାଇ ଏହି ଅସୁବିଧାର ଦୂରୀକରଣ କରାଯିବ ବୋଲି ପ୍ରସ୍ତାବ ରହିଛି। ବୁଗୁଡ଼ା ସହରକୁ ଏଥି ସହିତ ବ୍ଲକ କଲୋନୀ ସ୍ଥିତ ଜଳ ଟାଙ୍କି କୁ କାଦପଡା ଫିଲଟର୍ ପଏଣ୍ଟ ରୁ ୩ ଲକ୍ଷ ଗ୍ୟାଲନ୍ ଜଳ ମଧ୍ଯ ଆସୁଅଛି। ତେବେ ଗତ ୬ ମାସ ହେଲା ପାଇପ ବିଛାଇବାକୁ ପ୍ରସ୍ତାବ ଥିଲେ ମଧ୍ୟ ଏହି କାର୍ଯ୍ୟରେ ଅହେତୁକ ବିଳମ୍ବ ପାଇଁ କର୍ତ୍ତୃପକ୍ଷ ଦୃଷ୍ଟି ଦେବାକୁ ଦାବି ହେଉଛି।
