ବ୍ରହ୍ମପୁର (ନ୍ୟୁଜଏକ୍ସଟ୍ରା /ଶକ୍ତିଧର ରାଜଗୁରୁ) : ଗଞ୍ଜାମ ଜିଲ୍ଲା ଚିକିଟି ବ୍ଲକ ଅନ୍ତର୍ଗତ ରାମେୟାପାଟଣା ଓ ଚନ୍ଦନବାଡ଼ ମଧ୍ୟ୍ୟରେ ପୁଣିଥରେ ତେଜିଲା ବିବାଦ। ଗତକାଲି ରାତି ଠାରୁ ଗ୍ରାମରେ ଘଟିଯାଇଛି ଗୋଷ୍ଠୀ ସଂଘର୍ଷ । ମାଛମରାକୁ କେନ୍ଦ୍ରକରି ଦୁଇ ଗୋଷ୍ଠୀ ମୁହାଁମୁହିଁ ହୋଇଛନ୍ତି । ଗତ କାଲି ଠାରୁ ଦୁଇ ଗାଁର ଲୋକଙ୍କ ମଧ୍ୟରେ ପାଟିତୁଣ୍ଡ ଲାଗି ରହିଥିଲା। ବିଳମ୍ବିତ ରାତିରେ ରାମେୟପଟଣା ଓ ଚନ୍ଦନବାଡ଼ ଗାଁରେ ଉଭୟ ପକ୍ଷ ମୁହାଁମୁହିଁ ହେବାରୁ ଗଣ୍ଡଗୋଳ ହୋଇଥିଲା ।
ଏଥିରେ ଗାଁ ମୁଖିଆ ପି.ରାମେୟଙ୍କ ସମେତ ୫ ଜଣ ଆହତ ହୋଇଥିଲେ। ସେହିଭଳି ଚନ୍ଦନବାଡ଼ ଗାଁର ଜଣେ ମହିଳା ଆହତ ହୋଇଛନ୍ତି। ଘଟଣାରେ ଉଭୟ ପକ୍ଷର ୭ଜଣ ଆହତ ହୋଇଥିବା ବେଳେ ପି.ରାମେୟାଙ୍କ ମୁଣ୍ଡ ଓ ଦେହର ଅନ୍ୟ ଅଂଶରେ ଗଭୀର ଆଘାତ ଲାଗିଥିବାରୁ ତାଙ୍କୁ ପ୍ରଥମେ ବ୍ରହ୍ମପୁର ଏମକେସିଜି ଓ ପରେ ଭୁବନେଶ୍ୱର ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ଘଟଣା ସ୍ଥଳରେ ଗୋଳନ୍ଥରା, ସୁନାପୁର ମେରାଇନ ଥାନା ପୋଲିସ ସହ ଦେଢ଼ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି। ଦୁଇ ବର୍ଷ ତଳେ ମାଛ ମରାକୁ ନେଇ ଏଭଳି ଗଣ୍ଡଗୋଳ ହୋଇଥିଲା। ପୋଲିସ ଓ ପ୍ରସାଶନ ବାହୁଦା ନଦୀରେ ସେହି ସ୍ଥାନରେ ମାଛ ମରାକୁ ବନ୍ଦ କରିବା ସହ ୧୪୪ ଜାରି କାରିଥିଲା। ହେଲେ ଗୋଟିଏ ଗ୍ରାମ ଲୋକ ତାହାକୁ ବାରମ୍ବର ଭାଙ୍ଗିବା ସହ ସେଠାରେ ମାଛ ମାରିବାରୁ ଏଭଳି ସ୍ଥିତି ଉପୁଜିଥିବା ପ୍ରାଥମିକ ସୂଚନା ମିଳିଛି।