ମନୁଷ୍ୟ ଜୀବନ ର ଅୟମାରମ୍ଭ ରୁ ଶେଷ ପର୍ଯ୍ୟାୟ ଯାଏ ଅବୀର ର ରଙ୍ଗ ସହ ତୁଳନା କରି ହୋଲି ଉପଲକ୍ଷେ ମୋର ଏହି କବିତା
ଅଵୀର ର ରଙ୍ଗ ରେ ରଙ୍ଗାୟିତ
ଜୀବନ ର ଧାରା
ଶୁଭ୍ର ରଙ୍ଗ ରେ ପରିପୂର୍ଣ
ଭୂମିଷ୍ଠ ଶିଶୁ ର ମନ
ମନ ଗହନ ର
ସବୁଜ ରଙ୍ଗର ଉଦ୍ୟାନ ରେ
ନୀଳ ପ୍ରଜାପତି ପଛେ ଧାବମାନ
କିଶୋରୀ ଵୟସ ର
ଆଗମନ……….
ଗୋଲାପୀ ରଙ୍ଗ ର
ସ୍ଵପ୍ନ ବିଭୋରା
ପ୍ରେମ ରେ ଉବୁଟୁବୁ
ନବଯୌବନା
ସତେ ଅବା……………
ଫଗୁଣ ର ସାତ ରଙ୍ଗ ରେ
ସିକ୍ତ ହୃଦୟ
ନାଲି ରଙ୍ଗର ଅଳତା ନାଇଁ
ପାଦ ଥାପେ ମନ ଏକ
ନୁଆ ଜୀବନରେ………
ଜୀବନ ସଂଗ୍ରାମ ଶେଷ ରେ………..
ଅତୀତର ସ୍ମୃତି
ଲୁଚକାଳି ଖେଳେ
ଜୀବନ ର ସାୟାହ୍ନ ରେ
ଧୂସର ରଙ୍ଗର ମନ
ପରିଧାନ କରେ ପୀତ ବସ୍ତ୍ର ରେ
ପରିଶେଷରେ………..
ଅବୀର ବୋଳା ଜଡ ଶରୀର
ଗମନ କରେ
କାଳ ର କରାଳ
ଗର୍ଭ ରେ
ବବିତା ପାତ୍ର